శ్రీరాధికా అష్టోత్తర శతనామస్తోత్రం (రఘునాథగోస్వామి విరచితం) radhika ashtootrara saptamana stotram

  శ్రీరాధికాష్టోత్తరశతనామస్తోత్రం (రఘునాథగోస్వామి విరచితం)

అవీక్షితేశ్వరీ కాచిద్వృందావనమహేశ్వరీం 

తత్పదాంభోజమాత్రైకగతిః దాస్యతికాతరా 0

పతితా తత్సరస్తీరే రుదత్యార్తరవాకులం 

తచ్ఛ్రీవక్త్రేక్షణప్రాప్త్యై నామాన్యేతాని సంజగౌ 1

రాధా గంధర్వికా గోష్ఠయువరాజైకకామితా 

గంధర్వారాధితా చంద్రకాంతిర్మాధవసంగినీ 2

దామోదరాద్వైతసఖీ కార్తికోత్కీర్తిదేశ్వరీ 

ముకుందదయితావృందధమ్మిల్లమణిమంజరీ 3

భాస్కరోపాసికా వార్షభానవీ వృషభానుజా 

అనంగమంజరీజ్యేష్ఠా శ్రీదామావరజోత్తమా 4

కీర్తిదాకన్యకా మాతృస్నేహపీయూషపుత్రికా 

విశాఖాసవయాః ప్రేష్ఠవిశాఖాజీవితాధికా 5

ప్రాణాద్వితీయాలలితా వృందావనవిహారిణీ 

లలితాప్రాణరక్షైకలక్షా వృందావనేశ్వరీ 6

వ్రజేంద్రగృహిణీ కృష్ణప్రాయస్నేహనికేతనం 

వ్రజగోగోపగోపాలీజీవమాత్రైకజీవనం 7

స్నేహలాభీరరాజేంద్రా వత్సలాచ్యుతపూర్వజా 

గోవిందప్రణయాధారా సురభీసేవనోత్సుకా 8

ధృతనందీశ్వరక్షేమా గమనోత్కంఠిమానసా 

స్వదేహాద్వైతతాదృశ్టాధనిష్ఠాధ్యేయదర్శనా 9

గోపేంద్రమహిషీపాకశాలావేదిప్రకాశికా 

ఆయుర్వర్ధాకరద్వానారోహిణీఘ్రాతమస్తకా 10

సుబలాన్యస్తసారూప్యా సుబలాప్రీతితోషితా 

ముఖరాదృక్సుధానప్త్రీ జటిలాదృష్టిభాసితా 11

మధుమంగలనర్మోక్తిజనితస్మితచందిరకా 

ముఖరాదృక్సుధానప్త్రీ జటిలాదృష్టిభాసితా 12

మధుమంగలనర్మోక్తిజనితస్మితచందిరకా 

పౌర్ణమాసీబహిఃఖేలత్ప్రాణపంజరసారికా 13

స్వగుణాద్వైతజీవాతుః స్వీయాహంకారవర్ధినీ 

స్వగణోపేంద్రపాదాబ్జస్పర్శాలంభనహర్షిణీ 14

స్వీయబ్రుందావనోద్యానపాలికీకృతబృందకా 

జ్ఞాతవృందాటవీసర్వలతాతరుమృగద్విజా 15

ఈషచ్చందనసంఘృష్ట నవకాశ్మీరదేహభాః 

జపాపుష్పప్రీతహరీ పట్టచీనారుణాంబరా 16

చరణాబ్జతలజ్యోతిరరుణీకృతభూతలా 

హరిచిత్తచమత్కారి చారునూపురనిఃస్వనా 17

కృష్ణశ్రాంతిరశ్రేణీపీఠవల్గితఘంటికా 

కృష్ణసర్వస్వపీనోద్యత్కుచాంచన్మణిమాలికా 18

నానారత్నేల్లసచ్ఛంఖచూడచారుభుజద్వయా 

స్యమంతకమణిభ్రాజన్మణిబంధాతిబంధురా 19

సువర్ణదర్పణజ్యోతిరుల్లంఘిముఖమండలా 

పక్వదాడిమబీజాభ దంతాకృష్టాఘభిచ్ఛుకా 20

అబ్జరాగాదిసృష్టాబ్జకలికాకర్ణభూషణా 

సౌభాగ్యకజ్జలాంకాక్త నేత్రానందితఖంజనా 21

సువృత్తమౌకిత్కాముక్తానాసికాతిలపుష్పికా 

సుచారునవకస్తూరీతిలకాంచితఫాలకా 22

దివ్యవేణీవినిర్ధూతకేకీపించవరస్తుతిః 

నేత్రాంతసారవిధ్వంసకృతచాణూరజిద్ధృతిః 23

స్ఫురత్కైశోరతారుణ్యసంధిబంధురవిగ్రహా 

మాధవోల్లాసకోన్మత్త పికోరుమధురస్వరా 24

ప్రాణాయుతశతప్రేష్ఠమాధవోత్కీర్తిలంపటా 

కృష్ణాపాంగతరంగోద్యత్సిమతపీయూషబుద్ధుదా 25

పుంజీభూతజగ్గలజ్జావైదగ్ధీదిగ్ధవిగ్రహా 

కరుణావిద్రవద్దేహా మూర్తిమన్మాధురీఘటా 26

జగద్గుణవతీవర్గగీయమానగుణోచ్చయా 

శచ్యాదిసుభగాబృందవంద్యమానోరుసౌభగా 27

వీణావాదనసంగీత రసలాస్యవిశారదా 

నారదప్రముఖోద్గీతజగదానందిసద్యశాః 28

గోవర్ధనగుహాగేహగృహిణీకుంజమండనా 

చండాంశునందినీబద్ధభగినీభావవిభ్రమా 29

దివ్యకుందలతానర్మసఖ్య దామవిభూషణా 

గోవర్ధనధరాహ్ణాది శృంగారరసపండితా 30

గిరీంద్రధరవక్షః శ్రీః శంఖచూడారిజీవనం 

గోకులేంద్రసుతప్రేమకామభూపేంద్రపట్టణం 31

వృషవిధ్వంసనర్మోక్తి స్వనిర్మితసరోవరా 

నిజకుండజలక్రీడాజితసంకర్షణానుజా 32

మురమర్దనమత్తేభవిహారామృతదీర్ఘికా 

గిరీంద్రధరపారిణ్ద్రరతియుద్ధరుసింహికా 33

స్వతనూసౌరభోన్మత్తీకృతమోహనమాధవా 

దోర్మూలోచ్చలనక్రీడావ్యాకులీకృతకేశవా 34

నిజకుండతతీకుంజ క్లృప్తకేలీకలోద్యమా 

దివ్యమల్లీకులోల్లాసి శయ్యాకల్పితవిగ్రహా 35

కృష్ణవామభుజన్యస్త చారుదక్షిణగండకా 

సవ్యబాహులతాబద్ధకృష్ణదక్షిణసద్భుజా 36

కృష్ణదక్షిణచారూరుశ్లిష్టవామోరురంభికా 

గిరీంద్రధరదృగ్వక్షేమర్దిసుస్తనపర్వతా 37

గోవిందాధరపీయూషవాసితాధరపల్లవా 

సుధాసంచయచారూక్తి శీతలీకృతమాధవా 38

గోవిందోద్గీర్ణతాంబూల రాగరజ్యత్కపోలికా 

కృష్ణసంభోగ సఫలీకృతమన్మథసంభవా 39

గోవిందమార్జితోద్దామరతిప్రస్విన్నసన్ముఖా 

విశాఖావిజితక్రీడాశాంతినిద్రాలువిగ్రహా 40

గోవిందచరణన్యస్తకాయమానసజీవనా 

స్వప్రాణార్బుదనిర్మచ్ఛయ హరిపాదరజః కణా 41

అణుమాత్రాచ్యుతాదర్శశయ్యమానాత్మలిచనా 

నిత్యనూతనగోవిందవక్త్రశుభ్రాంశుదర్శనా 42

నిఃసీమహరిమాధుర్యసౌందర్యాద్యేకభోగినీ 

సాపత్న్యధామమురలీమాత్రభాగ్యకటాక్షిణీ 43

గాఢబుద్ధ్బలక్రీడాజితవంశీవికర్షిణీ 

నర్మోక్తిచందిరకోత్ఫుల్ల కృష్ణకామాబ్ధివర్ధినీ 44

వ్రజచంద్రేజ్దిరయగ్రామ విశ్రామవిధుశాలికా 

కృష్ణసర్వేందిరయోన్మాది రాధేత్యక్షరయుగ్మకా 45

ఇదం శ్రీరాధికానామ్నామష్టోత్తరశతోజ్జ్వలం 

శ్రీరాధలంభకం నామ స్తోత్రం చారు రసాయనం 46

యోఽధీతే పరమప్రీత్యా దీనః కాతరమానసః 

స నాథామచిరేణైవ సనాథామీక్షతే ధ్రువం 47

ఇతి శ్రీరఘునాథదాసగోస్వామివిరచితస్తవావల్యాం

          శ్రీరాధికాష్టోత్తరశతనామస్తోత్రం సంపూర్ణం