రాధా పరిహారస్తోత్రం (బ్రహ్మవైవర్తపురాణాంతర్గతం)
త్వం దేవీ జగతాం మాతా విష్ణుమాయా సనాతనీ
కృష్ణప్రాణాధిదేవి చ కృష్ణప్రాణాధికా శుభా 1
కృష్ణప్రేమమయీ శక్తిః కృష్ణసౌభాగ్యరూపిణీ
కృష్ణభక్తిప్రదే రాధే నమస్తే మంగలప్రదే 2
అద్య మే సఫలం జన్మ జీవనం సార్థకం మమ
పూజితాసి మయా సా చ యా శ్రీకృష్ణేన్ పూజితా 3
కృష్ణవక్షసి యా రాధా సర్వసౌభాగ్యసంయుతా
రాసే రాసేశ్వరీరూపా వృందా వృందావనే వనే 4
కృష్ణప్రియా చ గోలోకే తులసీ కాననే తుయా
చంపావతీ కృష్ణసంగే క్రీడా చంపకకాననే 5
చంద్రాక్లీ చంద్రవనే శతశ్రింగే సతీతి చ
విరజాదర్పహంత్రి చ విరజాతటకాననే 6
పద్మావతీ పద్మవనే కృష్ణా కృష్ణసరోవరే
భద్రా కుంజకుటీరే చ కామ్యా చ కామ్యకే వనే 7
వైకుంఠే చ మహాలక్ష్మీర్వాణీ నారాయణోరసి
క్షీరోదే సింధుకన్యా చ మర్త్యే లక్ష్మీర్హరిప్రియా 8
సర్వస్వర్గే స్వర్గలక్ష్మీర్దేవదుఃఖవినాశినీ
సనాతనీ విష్ణుమాయా దుర్గా శంకరవక్షసి 9
సావిత్రీ వే! దమాతా చ కలయా బ్రహ్మవక్షసి
కలయా ధర్మపత్నీ త్వం నరనారాయణప్రసూః 10
కలయా తులసీ త్వం చ గంగా భువనపావనీ
లోమకూపోద్భవా గోప్యః కలాంశా హరిప్రియా 11
కలాకలాంశరూపా చ శతరూపా శచి దితిః
అదితిర్దేవ్మాతా చ త్వత్కలాంశా హరిప్రియా 12
దేవ్యశ్చ మునిపత్న్యశ్చ్జ త్వత్కలాకలయా శుభే
కృష్ణభక్తిం కృష్ణదాస్యం దేహి మే కృష్ణపూజితే 13
ఏవం కృత్వా పరీహారం స్తుత్వా చ కవచం పఠేత్
పురా కృతం స్తోత్రమేతద్ భక్తిదాస్యప్రదం శుభం 14
ఇతి శ్రీ బ్రహ్మవైవర్తే శ్రీరాధాయాః
పరిహారస్తోత్రం సంపూర్ణం
No comments:
Post a Comment