రాధాషోడశనామవర్ణనం (బ్రహ్మవైవర్త పురాణం) sri radha shodasanama varnana

  రాధాషోడశనామవర్ణనం (బ్రహ్మవైవర్త పురాణం)

శ్రీనారాయణ ఉవాచ 

రాధా రాసేశ్వరీ రాసవాసినీ రసికేశ్వరీ 

కృష్ణప్రాణాధికా కృష్ణప్రియా కృష్ణస్వరూపిణీ 1

కృష్ణవామాంగసంభూతా పరమాందరూపిణీ 

కృష్ణా వృందావనీ వృందా వృందావనవినోదినీ 2

చంద్రావలీ చంద్రకాంతా శతచంద్రప్రభాననా 

నామాన్యేతాని సారాణి తేషామభ్యంతరాణి చ 3

రాధేత్యేవం చ సంసిద్ధౌ రాకారో దానవాచకః 

స్వయం నిర్వాణదాత్రీ యా సా రాధా పరికీర్తితా 4

రాసేసేశ్వరస్య పత్నీయం తేన రాసేశ్వరీ స్మృతా 

రాసే చ వాసో యస్యాశ్చ తేన సా రాసవాసినీ 5

సర్వాసాం రసికానాం చ దేవీనామీశ్వరీ పరా 

ప్రవదంతి పురా సంతస్తేన తాం రసికేశ్వరీం 6

ప్రాణాధికా ప్రేయసీ సా కృష్ణస్య పరమాత్మనః 

కృష్ణప్రాణాధికా సా చ కృష్ణేన పరికీర్తితా 7

కృష్ణాస్యాతిప్రియా కాంతా కృష్ణో వాస్యాః ప్రియః సదా 

సర్వైర్దేవగణైరుక్తా తేన కృష్ణప్రియా స్మృతా 8

కృష్ణరూపం సంనిధాతుం యా శక్తా చావలీలయా 

సర్వాంశైః కృష్ణసదృశీ తేన కృష్ణస్వరూపిణీ 9

వామాంగార్ధేన కృష్ణస్య యా సంభూతా పరా సతీ 

కృష్ణవామాంగసంభూతా తేన కృష్ణేన కీర్తితా 10

పరమానందరాశిశ్చ స్వయం మూర్తిమతీ సతీ 

శ్రుతిభిః కీర్తితా తేన పరమానందరూపిణీ 11

కృషిర్మోక్షార్థవచనో న ఏతోత్కృష్టవాచకః 

ఆకారో దాతృవచనస్తేన కృష్ణా ప్రకీర్తితా 12

అస్తి వృందావనం యస్యాస్తేన వృందావనీ స్మృతా 

వృందావనస్యాధిదేవీ తేన వాథ ప్రకీర్తితా 13

సంఘఃసఖీనాం వృందః స్యాదకారోఽప్యస్తివాచకః 

సఖివృందోఽస్తి యస్యాశ్చ సా వృందా పరికీర్తితా 14

వృందావనే వినోదశ్చ సోఽస్యా హ్యస్తి చ తత్ర వై 

వేదా వదంతి తాం తేన వృందావనవినోదినీం 15

నఖచంద్రావలీ వక్త్రచంద్రోఽస్తి యత్ర సంతతం 

తేన చంద్రవలీ సా చ కృష్ణేన పరికీర్తితా 16

కాంతిరస్తి చంద్రతుల్యా సదా యస్యా దివానిశం 

సా చంద్రకాంతా హర్షేణ హరిణా పరికీర్తితా 17

శరచ్చంద్రప్రభా యస్స్యాశ్చాననేఽస్తి దివానిశం 

మునినా కీర్తీతా తేన శరచ్చంద్రప్రభాననా 18

ఇదం షోడశనామోక్తమర్థవ్యాఖ్యానసంయుతం 

నారాయణేన యద్దత్తం బ్రహ్మణే నాభిపంకజే

బ్రహ్మణా చ పురా దత్తం ధర్మాయ జనకాయ మే 19

ధర్మేణ కృపయా దత్తం మహ్యమాదిత్యపర్వణి 

పుష్కరే చ మహాతీర్థే పుణ్యాహే దేవసంసది

రాధాప్రభావప్రస్తావే సుప్రసన్నేన చేతసా 20

ఇదం స్తోత్రం మహాపుణ్యం తుభ్యం దత్తం మయా మునే 

నిందకాయావైష్ణవాయ న దాతవ్యం మహామునే 21

యావజ్జీవమిదం స్తోత్రం త్రిసంధ్యం యః పఠేన్నరః 

రాధామాధవయోః పాదపద్మే భక్తిర్భవేదిహ 22

అంతే లభేత్తయోర్దాస్యం శశ్వత్సహచరో భవేత్ 

అణిమాదికసిధిం చ సంప్రాప్య నిత్యవిగ్రహం 23

వ్రతదానోపవాఇశ్చ సర్వైర్నియమపూర్వకైః 

చతుర్ణాం చైవ వేదానాం పాఠైః సర్వార్థసంయుతైః 24

సర్వేషాం యజ్ఞతీర్థానాం కరణైర్విధివోధితః 

ప్రదక్షిణేన భుమేశ్చ కృత్స్నాయా ఏవ సప్తధా 25

శరణాగతరక్షాయామజ్ఞానాం జ్ఞానదానతః 

దేవానాం వైష్ణవానాం చ దర్శనేనాపి యత్ ఫలం 26

తదేవ స్తోత్రపాఠస్య కలాం నార్హతి షోడశీం 

స్తోత్రస్యాస్య ప్రభావేణ జీవన్ముక్తో భవేన్నరః 27

ఇతి శ్రీబ్రహ్మవైవర్తే శ్రీనారాయణకృతం రాధాషోడశనామ వర్ణనం