అన్నపూర్ణా కవచం
అన్నపూర్ణా మహావిద్యా సర్వమన్త్రోత్తమోత్తమా ॥ 1॥
పూర్వముత్తరముచ్చార్య సమ్పుటీకరణముత్తమమ్ ।
స్తోత్రమన్త్రస్య ఋషిర్బ్రహ్మా ఛన్దో త్రిష్టుబుదాహృతః ॥ 2॥
దేవతా అన్నపూర్ణా చ హ్రీం బీజమమ్బికా స్మృతా ।
స్వాహా శక్తిరితి జ్ఞేయం భగవతి కీలకం మతమ్ ॥ 3॥
ధర్మాఽర్థ-కామ-మోక్షేషు వినియోగ ఉదాహృతః ।
ఓం హ్రీం భగవతి మాహేశ్వరి అన్నపూర్ణాయై స్వాహా ।
సప్తార్ణవమనుష్యాణాం జపమన్త్రః సమాహితః ॥ 4॥
అన్నపూర్ణే ఇమం మన్త్రం మను సప్త దశాక్షరమ్
సర్వ సమ్పత్ప్రదో నిత్యం సర్వవిశ్వకరీ తథా ॥ 5॥
భువనేశ్వరీతి విఖ్యాతా సర్వాఽభీష్టం ప్రయచ్ఛతి ।
హృల్లేఖేయమితి జ్ఞేయమోంకారాక్షరరూపిణీ ॥ 6॥
కాన్తి-పుష్టి-ధనా-ఽఽరోగ్య యశాంసి లభతే శ్రియమ్ ।
అస్మిన్ మన్త్రే రతో నిత్యం వశయేదఖిలం జగత్ ॥ 7॥
అఙ్గన్యాసః -- ఓం అస్య శ్రీఅన్నపూర్ణామాలామన్త్రస్య బ్రహ్మా ఋషయే
నమః శిరసి । ఓం అన్నపూర్ణాదేవతాయై నమః హృదయే । ఓం హ్రీం బీజాయ నమః
నాభౌ । ఓం స్వాహా శక్తయే నమః పాదయోః । ఓం ధర్మా-ఽర్థ-కామ-మోక్షేషు
వినియోగాయ నమః సర్వాఙ్గే ।
కరన్యాసః -- ఓం హ్రాం అఙ్గుష్ఠాభ్యాం నమః । ఓం హ్రీం తర్జనీభ్యాం
నమః । ఓం హ్రఁ మధ్యమాభ్యాం నమః । ఓం హ్రైం అనామికాభ్యాం నమః ।
ఓం హ్రీం కనిష్ఠికాభ్యాం నమః । ఓం హ్రః కరతలకరపృష్ఠాభ్యాం నమః ।
హృదయాదిన్యాసః -ఓం హ్రాం హృదయాయ నమః । ఓం హ్రీం శిరసే
స్వాహా । ఓం ఇహ శిఖాయై వషట్ । ఓం హ్రైం కవచాయ హుమ్ । ఓం హ్రౌం
నేత్రత్రయాయ వౌషట్ । ఓం హ్రః అస్త్రాయ ఫట్ ।
ధ్యానమ్ -
రక్తాం విచిత్రవసనాం నవచన్ద్రచూడాం
అన్నప్రదాన-నిరతాం స్తనభారనమ్రామ్ ।
నృత్యన్తమిన్దు సకలాభరణం విలోక్య
హృష్టాం భజే భగవతీం భవ-దుఃఖ-హన్త్రీమ్ ।
మాలామత్రః -ఓం ఐం హ్రీం శ్రీం క్లీం నమో భగవతి మాహేశ్వరి
అన్నపూర్ణే ! మమాఽభిలషితమన్నం దేహి స్వాహా ।
ఓం ఐం హ్రీం శ్రీం క్లీం మన్దార-కల్ప-హరిచన్దన-పారిజాత-మధ్యే
శశాఙ్క-మణిమణ్డిత-వేదిసంస్థే ।
అర్ధేన్దు-మౌలి-సులలాట-షడర్ధనేత్రే భిక్షాం
ప్రదేహి గిరిజే! క్షుధితాయ మహ్యం క్లీం శ్రీం హ్రీం ఐం ఓం ॥ ౧॥
ఓం ఐం హ్రీం శ్రీం క్లీం కేయూర-హార-కనకాఙ్గదకర్ణపూరే కాఞ్చీకలాప-
మణికాన్తి-లసద్దుకూలే । దుగ్ధా-ఽన్నపాత్ర-వర-కాఞ్చన-దర్విహస్తే
భిక్షాం ప్రదేహి గిరిజే! క్షుధితాయ మహ్యమ్
ఓం క్లీం శ్రీ హ్రీం ఐం ఓం ॥ ౨॥
ఓం ఐం హ్రీం శ్రీం క్లీం ఆలీ కదమ్బపరిసేవిత-పార్శ్వభాగే
శక్రాదిభిర్ముకులితాఞ్జలిభిః పురస్తాత్ । దేవి! త్వదీయచరణౌ శరణం
ప్రపద్యే భిక్షాం ప్రదేహి గిరిజే! క్షుధితాయ మహ్యం
ఓం క్లీం శ్రీం హ్రీం ఐం ఓం ॥ ౩॥
ఓం ఐం హ్రీం శ్రీం క్లీం గన్ధర్వ-దేవఋషి-నారద-కౌశికాఽత్రి-వ్యాసా-
ఽమ్వరీష-కలశోద్భవ-కశ్యపాద్యాః ।
భక్త్యా స్తువన్తి నిగమా-ఽఽగమ-సూక్త-
మన్త్రైర్భిక్షా ప్రదేహి గిరిజే! క్షుధితాయ మహ్యం క్లీం
ఓం శ్రీం హ్రీం ఐం ఓం ॥ ౪॥
ఓం ఐం హ్రీం శ్రీం క్లీం లీలావచాంసి తవ దేవి! ఋగాదివేదాః
సృష్ట్యాదికర్మరచనా భవదీయచేష్టా । త్వత్తేజసా జగదిదం ప్రతిభాతి
నిత్యం భిక్షాం ప్రదేహి గిరిజే! క్షుధితాయ మహ్యం క్లీం శ్రీం హ్రీం ఐం ఓం ॥ ౫॥
ఓం ఐం హ్రీం శ్రీం క్లీం శబ్దాత్మికే శశికలాభరణార్ధదేహే శమ్భో-
రురస్థల-నికేతననిత్యవాసే । దారిద్ర్య-దుఃఖభయహారిణి కా త్వదన్యా
భిక్షాం ప్రదేహి గిరిజే ! క్షుధితాయ మహ్యం క్లీం శ్రీం ఐం ఓం ॥ ౬॥
ఓం ఐం హ్రీం శ్రీం క్లీం సన్ధ్యాత్రయే సకలభూసురసేవ్యమానే స్వాహా స్వధాసి
పితృదేవగణార్తిహన్త్రీ । జాయా సుతాః పరిజనాతిథయోఽన్నకామాః భిక్షాం
ప్రదేహి గిరిజే! క్షుధితాయ మహ్యం క్లీం శ్రీం హ్రీం ఐం ఓం ॥ ౭॥
ఓం ఐం హ్రీం శ్రీం క్లీం సద్భక్తకల్పలతికే భువనం కవన్ద్యే భూతేశ-
హృత్కమలమగ్న-కుచాగ్రభృఙ్గే ।
కారుణ్యపూర్ణనయనే కిముపేక్షసే మాం భిక్షాం
ప్రదేహి గిరజే క్షుధితాయ మహ్యం క్లీం శ్రీం హ్రీం ఐం ఓం ॥ ౮॥
ఓం ఐం హ్రీం శ్రీం క్లీం అమ్బ! త్వదీయ-చరణామ్బుజ-సంశ్రయేణ బ్రహ్మాదయో-
ఽప్యవికలాం శ్రియమాశ్రయన్తే । తస్మాదహం తవ నతోఽస్మి పదారవిన్దే
భిక్షాం ప్రదేహి గిరిజే! క్షుధితాయ మహ్యం క్లీం శ్రీం హ్రీం ఐం ఓం ॥ ౯॥
ఓం ఐం హ్రీం శ్రీం క్లీం ఏకాగ్రమూలనిలయస్య మహేశ్వరస్య ప్రాణేశ్వరి!
ప్రణత-భక్తజనాయ శీఘ్రమ్ । కామాక్షి-రక్షిత-జగత్-త్రితయేఽన్నపూర్ణే
భిక్షాం ప్రదేహి గిరిజే! క్షుధితాయ మహ్యం క్లీం శ్రీం హ్రీం ఐం ఓం ॥ ౧౦॥
ఓం ఐం హ్రీం శ్రీం క్లీం భక్త్యా పఠన్తి గిరిజాదశకం ప్రభాతే
మోక్షార్థినో బహుజనాః ప్రథితాన్నకామాః । ప్రీతా మహేశవనితా హిమశైల-
కన్యా తేషాం దదాతి సుతరాం మనసేప్సితాని క్లీం శ్రీం హ్రీం ఐం ఓం ॥ ౧౧॥
ఇతి శ్రీశఙ్కరాచార్యవిరచితమన్నపూర్ణాకవచం సమాప్తమ్
No comments:
Post a Comment