హనుమంతుడు జన్మించింది ఆంధ్ర దేశం లోనా Where did hanuman born

హనుమంతుడు జన్మించింది ఆంధ్ర దేశం లోనా

సేకరణ.   【బ్రహ్మాణ్డ పురాణం】
హనుమంతుడి జననం గురించి రకరకాల వాదనలు ఉన్నాయి . కొందరు బళ్ళారిలో పుట్టాడని, కొందరు జార్ఖండ్ ప్రాంతంలో పుట్టాడని, కొందరు ఇంకెక్కడో పుట్టాడని అంటుంటారు. కానీ వీటికి ఎటువంటి శాస్త్రాధారం లేదు.

 నిజానికి హనుమంతుడు ఆంధ్రప్రదేశ్లోని తిరుమలలో అంజనాద్రిపై జన్మించాడు . దీనికి వివిధ పురాణాలలో స్పష్టమైన ఆధారాలు ఉన్నాయి.

ఆంజనేయుని జననం గురించి వివరించే సంఘటన బ్రహ్మాణ్డ పురాణంలో ఇలా ఉంది.

 మతంగ మహముని అంజనేయుని తల్లి అయిన అంజనా దేవితో ఇలా అన్నాడు
" అంజనే త్వంహి శేషాద్రౌ తపస్త్వత్వా సుతారుణౌ
పుత్రం సూతవతీ యస్మాత్ లోకత్రయ హితాయ వై"

ఓ అంజనా ముల్లోకాల క్షేమంకోసం నువ్వు ఈ శేషాద్రిపై ఈపుత్రుడికి జన్మనిచ్చావు కాబట్టి ఇక నుండి ఈ భాగం అంజనాద్రి అని పిలవబడుతుంది అని వరమిచ్చాడు.

ఆంజనేయుడు జన్మించిన ప్రదేశం ఆకాశగంగ తీర్థానికి అభిముఖంగా ఉంటుంది. ఇక్కడ ఆంజనేయుడు విగ్రహ రూపంలో స్వయంభువుగా వెలిసాడు.అంజనాదేవి తపస్సు చేసిన ప్రదేశంలోనే తదనంతర కాలంలో జాబాలి(జాపాలి)మహర్షి కూడా ఇక్కడే తపస్సు చేసాడు.