బ్రహ్మేశశేషాదికృత శ్రీరాధా స్తోత్రం (బ్రహ్మవైవర్త పురాణం)
అథ బ్రహ్మేశశేషాదికృతం శ్రీరాధాస్తోత్రం
షష్టివర్షసహస్రాణి దివ్యాని పరమేశ్వరి
పుష్కరే చ తపస్తప్తం పుణ్యక్షేత్రే చ భారతే 1
త్వత్పాదపద్మమధురమధులుబ్ధేన చేతసా
మధువ్రతేన లోభేన ప్రేరితేన మయా సతి 2
తథాపి న మయా లబ్ధం త్వద్పాదపదమీప్సితం
న దృష్టమపి స్వప్నేఽపి జాతా వాగశరీరిణీ 3
వారాహే భారతే వర్షే పుణ్యే వృందావనే వనే
సిద్ధాశ్రమే గణేశస్య పాదపద్మం చ ద్రక్ష్యసి 4
రాధామాధవయోర్దాస్యం కుతో విషయిణస్తవ
నివర్తస్వ మహాభాగ పరమేతత్ సుదుర్లభం 5
ఇతి శ్రుత్వా నివృత్తోఽహం కుతో విషయిణస్తవ
నివర్తస్వ మహాభాగ పరమేతత్ సుదుర్లభం 6
శ్రీమహాదేవ ఉవాచ .
పద్మైః పద్మార్చితం పాదపద్మం యస్య సుదుర్లభం
ధ్యాయంతే ధ్యాననిష్టాశ్చ శశ్వద్ బ్రహ్మాదయః సురాః 7
మునయో మనవశ్చైవ సిద్ధాః సంతశ్చ యోగినః
ద్రష్టుం నైవ క్షమాః స్వప్నే భవతీ తస్య వక్షసి 8
అనంత ఉవాచ
వేదాశ్చ వేదమాతా చ పురాణాని చ సువ్రతే
అహం సరస్వతీ సంతః స్తోతుం నాలం చ సంతతం 9
అస్మాకం స్తవనే యస్య భ్రభంగశ్చ సుదుర్లభభః
తవైవ భర్త్సనే భీతశ్చావయోరంతరం హరిః 10
ఇతి శ్రీబ్రహ్మవైవర్తే బ్రహ్మేశశేషాదికృతం
శ్రీరాధాస్తోత్రం సంపూర్ణం
No comments:
Post a Comment