శ్రీకృష్ణకృత శ్రీరాధాస్తోత్రం (బ్రహ్మవైవర్త పురాణం)srikrishna krutha radhika stotram

 శ్రీకృష్ణకృత శ్రీరాధాస్తోత్రం (బ్రహ్మవైవర్త పురాణం)

కృష్ణ ఉవాచ 

ఏవమేవ ప్రియోఽహం తే ప్రమోదశ్చైవ తే మయి 

సువ్యక్తమద్య కాపట్యవచనం తే వరాననే 1

హే కృష్ణ త్వం మమ ప్రాణా జీవాత్మేతి చ సంతతం 

బ్రూషే నిత్యం తు యత్ ప్రేమ్ణా సాంప్రతం తద్ గతం ద్రుతం 2

అస్మాకం వచనం సత్యం యద్ వ్రవీమితీ తద్ ధ్రువం 

పంచప్రాణాధిదేవీ త్వం రాధా ప్రాణధికేతి మే 3

శక్తో న రక్షితుం త్వాం చ యాంతి ప్రాణస్త్వయా వినా 

 వినాధిష్ఠాతృదేవీం చ కో వా కుత్ర చ జీవతి 4

మహావిష్ణోశ్చ మాతా త్వం మూలప్రకృతిరీశ్వరీ 

సగుణా త్వం చ కలయా నిర్గుణా స్వయమేవ తు 5

జ్యోతీరూపా నిరాకారా భక్తానుగ్రహవిగ్రహా 

భక్తానాం రుచివైచిత్ర్యన్నానామూర్తీశ్చ బిభ్రమతీ 6

మహాలక్ష్మిశ్చ వైకుంఠే భారతీ చ సతాం ప్రసూః 

 పుణ్యక్షేత్రే భారతే చ సతీ త్వం పార్వతీ తథా 7

తులసీ పుణ్యరూపా చ గంగా భువనపావనీ 

బ్రహ్మలోకే చ సావిత్రీ కలయా త్వం వసుంధరా 8

గోలోకే రాధికా త్వం చ సర్వగోపాలకేశ్వరీ 

త్వయా వినాహం నిర్జీవో హ్యశక్తః సర్వకర్మసు 9

శివః శక్తస్త్వయా శక్త్యా శవాకారస్త్వయా వినా 

వేదకర్తా స్వయం బ్రహ్మా వేదమాత్రా త్వయా సహ 10

నారాయణస్త్వయా లక్ష్మ్యా జగత్పాతా జగత్పతిః 

ఫలం దదాతి యజ్ఞశ్చ త్వయా దక్షిణయా సహ 11

బిభర్తి సృష్టిం శేషశ్చ త్వాం కృత్వా మస్తకే భువం 

బిభర్తి గంగారూపాం త్వాం మూర్ఘ్ని గంగాధరః శివః 12

శక్తిమచ్చ జగత్ సర్వం శవరూపం త్వయా వినా 

వక్తా సర్వస్త్వయా వాణ్యా సూతో మూకస్త్వయా వినా 13

యథా మృదా ఘటం కర్తుం కులాలః శక్తిమాన్ సదా 

సృష్టిం స్రష్టుం తథాహం చ ప్రకృత్యా చ త్వయా సహ 14

త్వయా వినా జడశ్చాహం సర్వత్ర చ న శక్తిమాన్ 

సర్వశక్తిఖరూపా త్వం సమాగచ్ఛ మమాంతికం 15

వహ్నౌ త్వం దాహికా శక్తిర్నాగ్నిః శక్తస్త్వయా వినా 

శోభాస్వరూపా చంద్రే త్వం త్వాం వినా న స సుందరః 16

ప్రభారూపా హి సూర్యే త్వం వినా న స భానుమాన్ 

న కామః కామినీబన్ఘుస్త్వయా రత్యా వినా ప్రియే 17

ఇత్యేవం స్తవనం కృత్వా తాం సంప్రాష జగత్ప్రభుః 

దేవా బభూవుః సథీకాః సభార్యాః శక్తిసంయుతాః 18

సస్త్రీకం చ జగత్ సర్వం బభూవ్ శైలకన్యకే 

గోపీపూర్ణశ్చ గోలోకో బభూవ తత్ప్రసాదతః 19

రాజా చ జగాం గోలోకమితి స్తుత్వా హరిప్రియాం 

శ్రీకృష్ణేన కృతం స్తోత్రం రాధాయా యః పఠేన్నరః 20

కృష్ణభక్తిం చ తద్దాస్యం స ప్రాప్నోతి న సంసయః 

స్త్రీవిచ్ఛేదేయః శృణోతి మాసమేకమిదం శుచిః 21

అచిరాల్లభతే భార్యాం సుశీలాం సుందరీం సతీం 

భార్యాహీనో భాగ్యహీనో వర్షమేకం శృణోతి యః 22

అచిరాల్లభతే భార్యాం సుశీలాం సుందరీం సతీం 

పుర మయా చ త్వం ప్రాప్తా స్తోత్రేణానేన పార్వతి 23

మృతాయాం దక్షకన్యాయామాజ్ఞయా పరమాత్మనః 

స్తోత్రేణానేన సంప్రాప్తా సావిత్రీ బ్రహ్మణా పురా 24

పురా దుర్వాససః శాపాన్నిఃశ్రీకే దేవతాగణే

స్తోత్రేణానేన దేవైస్తైః సంప్రాప్తా శ్రీః సుదుర్లభా 25

శృణోతి వర్షమేకం చ పుత్రార్థి లభతే సుతం 

మహావ్యాధీ రోగముక్తో భవేత్ స్తోత్రప్రసాదతః 26

కార్తికీపూర్ణమాయాం తు తాం సంపూజ్య పఠేత్తు యః 

అచలాం శ్రియమాప్నోతి రాజసూయఫలం లభేత్ 27

నారీ శృణోతి చేత్ స్తోత్రం స్వామిసౌభాగ్యసంయుతా

భక్త్యా శృణోతి యః స్తోత్రం బంధనాన్ముచ్యతే ధ్రువం 28

నిత్యం పఠతి యో భక్త్యా రాధాం సంపూజ్య భక్తితః 

స ప్రయాతి చ గోలోకం నిర్ముక్తో భవబనాత్ 29

ఇతి శ్రీబ్రహ్మవైవర్తే శ్రికృష్ణకృష్ణకృతం

శ్రీరాధాస్తోత్రం సంపూర్ణం