గణేశ కృత శ్రీరాధాస్తోత్రం (బ్రహ్మవైవర్త పురాణం) ganesha krutha radha stotram

గణేశ కృత  శ్రీరాధాస్తోత్రం (బ్రహ్మవైవర్త పురాణం)

శ్రీగణేశ ఉవాచ 

తవ పూజా జగన్మాతర్లోకశిక్షాకరీ శుభే

బ్రహ్మస్వరూపా భవతీ కృష్ణవక్షఃస్థలస్థితా 1

యత్పాదపద్మమతుతలం ధ్యాయంతే తే సుదుర్లభం 

సురా బ్రహ్మేశశేషాద్యా మునీంద్రాః సనకాదయః 2

జివన్ముక్తాశ్చ  భక్తాశ్చ సిద్ధేంద్రాః కపిలాదయః 

తస్య ప్రాణాధిదేవి  త్వం ప్రియా ప్రాణాధికా పరా 3

వామాంగనిర్మితా రాధా దక్షిణాంగశ్చ మాధవః 

మహాలక్ష్మీర్జగన్మాతా తవ వామాంగనిర్మితా 4

వసోః సర్వనివాసస్య ప్రసూస్త్వం పరమేశ్వరీ 

వేదానాం జగతామేవ మూలప్రకృతిరీశ్వరీ 5

సర్వాః ప్రాకృతికా మాతః సృష్ట్యాం చ త్వద్విభూతయః 

విశ్వాని కార్యరూపాణి త్వం చ కారణరూపిణీ 6

ప్రలయే బ్రహ్మణః పాతే తన్నిమేషో హరేరపి 

ఆదౌ రాధాం సముచ్చార్య పశ్చాత్ కృష్ణం పరాత్పరం 7

స ఏవ పండితో యోగీ  గోలోకం యాతి లీలయా 

వ్యతిక్రమే మహాపీ బ్రహ్మహత్యాం లభేద్ ధ్రువం 8

జగతాం భవతీ మాతా పరమాత్మా పితా హరిః 

పితురేవ గురుర్మాతా పూజ్యా వంద్యా పరత్పరా 9

భజతే దేవమన్యం వా కృష్ణం వా సర్వకారణం 

పుణ్యక్షేత్రే మహామూఢో యది నిందా రాధీకాం 10

వంశహానిర్భవేత్తస్య దుఃఖశోకమిహైవ చ 

పచ్యతే నిరతే ఘోరే యావ ద్రదివాకరౌ 11

గురుశ్చ జ్ఞానోద్గిరణాజ్జ్ఞానం స్యాన్మంత్రతంత్రయోః 

స చ మంత్రశ్చ తత్తంత్రం  భక్తిః  స్యాద్ యువయోర్యతః 12

నిశేవ్య మంత్రం దేవానాం జీవా జన్మని జన్మని 

భక్తా భవంతి దుర్గాయాః పాదపద్మే సుదుర్లభే 13

నిషేవ్య మంత్రం శంభోశ్చ జగతాం కారణస్య చ 

తదా ప్రాప్నోతి యువయోః పాదపద్మం సుదుర్లభం 14

యువయోః పాదపద్మం చ దుర్లభం ప్రాప్య పుణ్యవాన్ 

క్షణార్ధం షోడశాంశం చ న హి ముంచతి దైవతః 15

భక్త్యా చ యువయోర్మంత్రం గృహీత్వా వైష్ణవాదపి 

స్తవం వా కవచం వాపి కర్మమూలనికృంతనం 16

యో జపేత్ పరయా భక్త్యా పుణ్యక్షేత్రే చ భారతే 

పురుషాణాం సహస్రం చ స్వాత్మనా  సార్ధముద్ధరేత్ 17

గురుమభ్యర్చ్య విధివద్ వస్త్రాలంకారచందనైః 

కవచం ధారయేద్ యో హి విష్ణుతుల్యో భవేద్ ధ్రువం 18

ఇతి శ్రీ బ్రహ్మవైవర్తే గణేశకృతం శ్రీరాధాస్తవనం సంపూర్ణం