త్ర్యైలోక్య మోహన కాళి కవచం (రుద్రయామళ తంత్రే)
శ్రీగణేశాయ నమః ।
శ్రీదేవ్యువాచ ।
దేవదేవమహాదేవ సంసారప్రీతికారకః ।
సర్వవిద్యేశ్వరీం విద్యాం కాలికాం కథయాద్భుతామ్ ॥ ౧॥
శ్రీశివ ఉవాచ ।
శృణుదేవి మహావిద్యాం సర్వవిద్యోత్తమోత్తమామ్ ।
సర్వేశ్వరీం మహావిద్యాం సర్వదేవప్రపూజితామ్ ॥ ౨॥
యస్యాః కటాక్షమాత్రేణ త్రైలోక్యవిజయీహరః ।
బభూవకమలానాథో విభుబ్రహ్మా ప్రజాపతి ॥ ౩॥
శచీస్వామీదేవనాథో యమోపిధర్మనాయకః ।
త్రైలోక్యపావనీ గఙ్గా కమలా శ్రీర్హరిప్రియా ॥ ౪॥
దినస్వామిరవిశ్చన్ద్రో నిశాపతిర్గ్రహేశ్వరః ।
జలాధిపతిర్వరుణః కుబేరోపిధనేశ్వరః ॥ ౫॥
అవ్యాహతగతిర్వాయుర్గజాస్యోవిఘ్ననాయకః ।
వాగీశ్వరః సురాచార్యో ?? గురుః కవిః ॥ ౬॥
ఏవం హి సర్వదేవాశ్చ సర్వసిద్ధిశ్వరాః ప్రియే ।
తస్యాస్తు కవచం దివ్యం మాతృజారం విభావయ ॥ ౭॥
అస్య శ్రీదక్షిణకాలీకవచమన్త్రస్య భైరవ ఋషిః,
అనుష్టుప్ ఛన్దః, శ్మశానకాలీ దేవతా,
ధర్మార్థకామమోక్షార్థే జపే వినియోగః ।
లలాటం పాతు చక్రీం మే హరేణారాధితం సదా ।
నేత్రేమే రక్షతు క్రీం క్రీం విష్ణునా సేవితా పురా ॥ ౮॥
క్రీం హూఁ హ్రీం నాసికాం పాతు బ్రహ్మణా సేవితా పురా ।
క్రీం క్రీం క్రీం వదనం పాతు శక్రేణారాధితా సదా ॥ ౯॥
క్రీం స్వాహా శ్రవణం పాతు యమేనైవప్రపూజితా ।
క్రీం హూఁ హ్రీం స్వాహా రసనా గఙ్గయాసేవితావతు ॥ ౧౦॥
దన్తపఙ్క్తి సదా పాతు ఓం క్రీం హూఁ హ్రీం స్వాహా మమ ।
భుక్తిముక్తి ప్రదా కాలీ శ్రియా నిత్యం సుసేవితా ॥ ౧౧॥
ఓష్టాధరం సదా పాతు క్రీం క్రీం క్రీం హూఁ హూఁ
హ్రీం హ్రీం మమ సర్వసిద్ధిప్రదాయికా ॥ ౧౨॥
కణ్ఠం పాతు మహాకాలీ ఓం క్రీం హ్రీం మే స్వాహా
మమ చన్ద్రేణారాధితా చతుర్వర్గఫలప్రదా ॥ ౧౩॥
హస్తయుగ్మం సదా పాతు క్రీం క్రీం క్రీం హూఁ హూఁ హ్రీం హ్రీం స్వాహా
సౌఖ్యదా మోక్షదా కాలీ వరుణేనైవసేవితా ॥ ౧౪॥
ఓం క్రీం హూఁ హ్రీం ఫట్ స్వాహా హృదయం పాతు సర్వదా ।
సర్వసమ్పత్ప్రదా కాలీ కుబేరేణోపసేవితా ॥ ౧౫॥
ఐం హ్రీం ఓం ఐం హూఁ ఫట్ స్వాహా హస్తయుగ్మం సదావతు ।
వాయునోపాసితాకాలీ యశోబల సుఖప్రదా ॥ ౧౬॥
క్రీం క్రీం హూఁ హూఁ హ్రీం హ్రీం ఫట్ పాతు జఠరం మమ ।
సర్వసిద్ధిప్రదా కాలీ గణనాథేన సేవితా ॥ ౧౭॥
క్రీం దక్షిణే కాలికే హ్రీం స్వాహా నాభిం మమావతు ।
సిద్ధిబుద్ధికరీ కాలీ గురుణా సేవితా పురా ॥ ౧౮॥
లిఙ్గం పాతు సదా హూఁ హూఁ దక్షిణే కాలికే హ్రీం ।
శుక్రేణరాధితా కాలీ త్రైలోక్యజయదాయినీ ॥ ౧౯॥
పాత్వణ్డ కోశం క్రీం క్రీం దక్షిణే కాలికే హ్రీం హ్రీం స్వాహా ।
ధరయా సేవితా విద్యా సర్వరత్న ప్రదాయినీ ॥ ౨౦॥
పాతుం గుదం క్రీం క్రీం దక్షిణే కాలికే హ్రీం స్వాహా ।
ద్వాదశీచమహావిద్యా రాఘవేణార్చితా సదా ॥ ౨౧॥
జానునీ పాతు ఓం క్రీం క్రీం దక్షిణే కాలికే స్వాహా ।
ఏకాదశీ మహావిద్యా మేఘనాదేన సేవితా ॥ ౨౨॥
క్రీం క్రీం దక్షిణే కాలికే హ్రీం హ్రీం స్వాహా జఙ్ఘేవతు
ద్వాదశీచ మహావిద్యా ప్రహ్లాదేనచసేవితా ॥ ౨౩॥
క్రీం హూఁ హ్రీం దక్షిణే కాలికే క్రీం హూఁ హ్రీం తథాఙ్గులీః
పాతు మే ద్వాదశీకాలీ క్షేత్రపాలేన సేవితా ॥ ౨౪॥
క్రీం హూఁ హ్రీం దక్షిణే కాలికే క్రీం హూఁ హ్రీం స్వాహా
చ నఖాన్సర్వాత్సదా పాతు పఞ్చదశీత్ గ్రహేశ్వరీ ॥ ౨౫॥
క్రీం క్రీం క్రీం హూఁ హూఁ హ్రీం హ్రీం దక్షిణే కాలికే
క్రీం క్రీం క్రీం మమ పృష్ఠే సదా పాతు షోడశీ పరమేశ్వరీ ॥ ౨౬॥
క్రీం క్రీం క్రీం పాతు రోమాణి హూఁ హూఁ రక్షతు వర్మణి ।
మాంసం పాతు సదా హ్రీం హ్రీం రక్తం దక్షిణే కాలికే ॥ ౨౭॥
క్రీం క్రీం క్రీం పాతు మే అస్థిమజ్జాం హూఁ హూఁ సదావతు ।
హ్రీం హ్రీం శుక్రం సదా పాతు రంధ్రం స్వాహా మమావతు ॥ ౨౮॥
ద్వావింశత్యక్షరీ విద్యా సర్వలోకేషు దుర్లభా ।
మహావిద్యేశ్వరీ విద్యా సర్వతన్త్రేషు గోపితా ॥ ౨౯॥
సూర్యవంశేన సోమేన రామేణజగ్నినా ।
జయన్తే న సుమన్తే న బలినానారదేన చ ॥ ౩౦॥
బిభీషణేనబాణేన భృగుణాకశ్యపేన చ ।
కపిలేన వసిష్ఠేన ధౌమ్యేన త్రిపురేణ చ ॥ ౩౧॥
మార్కణ్డయేన ధ్రువేణైవద్రోణేన సత్యభామయా ।
ఋష్యశృఙ్గేన కర్ణేన భారద్వాజేన సంయుతా ॥ ౩౨॥
సర్వేణారాధితా విద్యా జరామృత్యు వినాశినీ ।
పూర్ణవిద్యా మహాకాలీ విద్యారాజ్ఞీ ప్రకీర్తితా ॥ ౩౩॥
కాలీ కపాలినీ కుల్లా కురుకుల్లా విరోధినీ ।
విప్రచిత్తా తథోగ్రప్రభా దీప్తా ఘనత్విషా ॥ ౩౪॥
నీలా ఘనా బలాకా చ మాత్రా ముద్రామితాపి చ ।
ఏతాః సర్వా ఖడ్గధరా ముణ్డమాలా విభూషణా ॥ ౩౫॥
హూఁ హూఁకారేట్టహాసేన సర్వత్ర పాతు మాం సదా ।
బ్రహ్మాణీ పాతు మాం పూర్వే ఆగ్నేయా వైష్ణవీ తథా ॥ ౩౬॥
మాహేశ్వరీ పాతు యామ్యే చాముణ్డా నైఋతే సదా ।
కౌమారీ వారుణే పాతు వాయవ్యే అపరాజితా ॥ ౩౭॥
వారాహీచోత్తరే పాతు ఈశాన్యాం నారసింహికా ।
అధ ఊర్ధ్వే పాతు కాలీ పార్శ్వేపృష్ఠే చ కాలికా ॥ ౩౮॥
జలేస్థలే చ పాతాలే శయనే భోజనేగృహే
రాజస్థానే కాననే చ వివాదే మరణే రణే ॥ ౩౯॥
పర్వతే ప్రాన్తరే శూన్యే పాతు మాం కాలికా సదా ।
శవాసనే శ్మశానే వా శూన్యాగారే చతుష్పథే ॥ ౪౦॥
యత్ర యత్ర భయ ప్రాప్తిః సర్వత్ర పాతు కాలికా ।
నక్షత్ర తిథి వారేషు యోగం కరణయోరపి ॥ ౪౧॥
మాసే పక్షే వత్సరే చ దణ్డేయామేనిమేషకే ।
దివారాత్రౌ సదా పాతు సన్ధ్యయోః పాతు కాలికా ॥ ౪౨॥
సర్వత్ర కాలికా పాతు కాలికా పాతు సర్వదా ।
సకృద్యః శృణుయానిత్యం కవచం శివ నిర్మితమ్ ॥ ౪౩॥
సర్వపాపం పరిత్యజ్య గచ్ఛేఛివస్యచాలయమ్ ।
త్రైలోక్యమోహనం దివ్యం దేవతానాం సుదుర్లభమ్ ॥ ౪౪॥
యః పఠేత్సాధకాధీశః సర్వకర్మ జపాన్వితః ।
సర్వధర్మేద్భవద్ధర్మీ సర్వవిద్యేశ్వరేశ్వరః ॥ ౪౫॥
కుబేర ఇవ విత్తాఢ్యః సువాణీ కోకిలస్వరః ।
కవిత్వే వ్యాస సదృశో గణేశవచ్ఛతీధరః ॥ ౪౬॥
కామదేవ సమోరూపే వాయుతుల్యః పరాక్రమే ।
మహేశ ఇవ యోగీన్ద్ర ఐశ్వర్యే సురనాయకః ॥ ౪౭॥
బృహస్పతిసమోధీమాం జరామృత్యువివర్జితః ।
సర్వజ్ఞః సర్వదర్శీ చ నిఃపాపః సకలప్రియః ॥ ౪౮॥
అవ్యాహతగతిః శాన్తో భార్యాపుత్ర సమన్వితః ।
యో దేహే కురుతే నిత్యం కవచం దేవదుర్లభమ్ ॥ ౪౯॥
న శోకోనభయ క్లేశో న రోగోన పరాజయః ।
ధనహానిర్విషాదోయ పరివారోభవేన్నహి ॥ ౫౦॥
సఙ్గ్రామేషు జయేచ్ఛత్రూన్యథావహ్నిర్దహేద్వనం ।
బ్రహ్మాస్త్రాదినివాస్త్రాణి పశవః కణ్టకాదమః ॥ ౫౧॥
తస్యదేహం న భిన్దతి వజ్రాధిక భవేద్వపుః ।
గ్రహభూతపిశాశ్చ యక్ష రాక్షస కిన్నరాః ॥ ౫౨॥
సర్వే దూరాత్పలాయన్తే హింసకో నశ్యతి ధ్రువమ్ ।
తద్దేహం న దహేదగ్ని న తాపయతిభాస్కరః ॥ ౫౩॥
న శోషయతి వాతోపి న క్లేదం కురుతేపయః ।
పుత్రవత్పాల్యతే కాల్యా న హిమం కురు తే శశీ ॥ ౫౪॥
జలసూర్యేన్దువాతానాం స్తమ్భకేనాత్ర సంశయః ।
బహు కిం కథయిష్యామి సర్వసిద్ధిముపా లభేత్ ॥ ౫౫॥
రాజ్యం భోగం సుఖం లబ్ధ్వా స్వేచ్ఛయాపి శివో భవేత్ ।
మోహన స్తమ్భనాకర్షమారణోచ్చాటనం భవేత్ ॥ ౫౬॥
కాకవన్ద్యా చ యానారీ వన్ద్యా వా మృతపుత్రికా ।
కణ్ఠే వా దక్షిణే బాహౌ లిఖిత్వా ధారయేద్యది ॥ ౫౭॥
తదాపుత్రో భవేత్సత్యం చిరాయుః పణ్డితః శుచిః ।
స్వామినో వల్లభాసాపి ధనధాన్య సుతాన్వితా ॥ ౫౮॥
ఇదం కవచమజ్ఞాత్వా యో జపేత్కాలికామనుం ।
ధ్యానేనకోటిజప్తేన తస్య విద్యా న సిద్ధ్యతి ॥ ౫౯॥
పదే పదే భవేద్దుఖం లోకానానిన్దతో ధ్రువమ్ ।
ఇహలోకే భవేద్దుఃఖీ పరే చ నరకం వ్రజేత్ ॥ ౬౦॥
గురుం మనుం సమం జ్ఞాత్వా యః పఠేత్కవచోత్తమమ్ ।
తస్య విద్యా భవేత్సిద్ధా సత్యం సత్యం వరాననే ॥ ౬౧॥
య ఇదం కవచం దివ్యం ప్రకాశ్య శివహాభవేత్ ।
భక్తాయ శ్రేష్ఠపుత్రాయ సాధకాయ య ప్రకాశయేత్ ॥ ౬౨॥
॥ ఇతి శ్రీరుద్రయామలే దేవీశఙ్కర సంవాదే
త్రైలోక్యమోహనం నామ కవచం సమ్పూర్ణమ్ ॥
No comments:
Post a Comment