ఏకముఖీ హనుమాన్ కవచం (బ్రహ్మణ్డ పురాణం)
అథ శ్రీ ఏకముఖీ హనుమత్కవచం ప్రారభ్యతే ।
మనోజవం మారుతతుల్యవేగం జితేన్ద్రియం బుద్ధిమతాం వరిష్ఠమ్ ।
వాతాత్మజం వానరయూథముఖ్యం శ్రీరామదూతం శరణం ప్రపద్యే (శ్రీరామ దూతం శిరసా నమామి)॥
శ్రీహనుమతే నమః
ఏకదా సుఖమాసీనం శఙ్కరం లోకశఙ్కరమ్ ।
పప్రచ్ఛ గిరిజాకాన్తం కర్పూరధవలం శివమ్ ॥
పార్వత్యువాచ
భగవన్దేవదేవేశ లోకనాథ జగద్గురో ।
శోకాకులానాం లోకానాం కేన రక్షా భవేద్ధ్రువమ్ ॥
సఙ్గ్రామే సఙ్కటే ఘోరే భూతప్రేతాదికే భయే ।
దుఃఖదావాగ్నిసన్తప్తచేతసాం దుఃఖభాగినామ్ ॥
ఈశ్వర ఉవాచ
శృణు దేవి ప్రవక్ష్యామి లోకానాం హితకామ్యయా ।
విభీషణాయ రామేణ ప్రేమ్ణా దత్తం చ యత్పురా ॥
కవచం కపినాథస్య వాయుపుత్రస్య ధీమతః ।
గుహ్యం తే సమ్ప్రవక్ష్యామి విశేషాచ్ఛృణు సున్దరి ॥
ఓం అస్య శ్రీహనుమత్ కవచస్త్రోత్రమన్త్రస్య శ్రీరామచన్ద్ర ఋషిః ।
అనుష్టుప్ఛన్దః । శ్రీమహావీరో హనుమాన్ దేవతా। మారుతాత్మజ ఇతి బీజమ్ ॥
ఓం అఞ్జనీసూనురితి శక్తిః । ఓం హ్రైం హ్రాం హ్రౌం ఇతి కవచమ్ ।
స్వాహా ఇతి కీలకమ్ । లక్ష్మణప్రాణదాతా ఇతి బీజమ్ ।
మమ సకలకార్యసిద్ధ్యర్థే జపే వీనియోగః ॥
అథ న్యాసః
ఓం హ్రాం అఙ్గుష్ఠాభ్యాం నమః । ఓం హ్రీం తర్జనీభ్యాం నమః ।
ఓం హ్రూం మధ్యమాభ్యాం నమః । ఓం హ్రైం అనామికాభ్యాం నమః ।
ఓం హ్రౌం కనిష్ఠికాభ్యాం నమః । ఓం హ్రః కరతలకరపృష్ఠాభ్యాం నమః ।
ఓం అఞ్జనీసూనవే హృదయాయ నమః । ఓం రుద్రమూర్తయే శిరసే స్వాహా ।
ఓం వాయుసుతాత్మనే శిఖాయై వషట్ । ఓం వజ్రదేహాయ కవచాయ హుమ్ ।
ఓం రామదూతాయ నేత్రత్రయాయ వౌషట్ । ఓం బ్రహ్మాస్త్రనివారణాయ అస్త్రాయ ఫట్ ।
ఓం రామదూతాయ విద్మహే కపిరాజాయ ధీమహీ ।
తన్నో హనుమాన్ ప్రచోదయాత్ ఓం హుం ఫట్ స్వాహా ॥ ఇతి దిగ్బన్ధః ॥
అథ ధ్యానమ్ ॥
ఓం ధ్యాయేద్బాలదివాకరధృతినిభం దేవారిదర్పాపహం
దేవేన్ద్రప్రముఖప్రశస్తయశసం దేదీప్యమానం రుచా ।
సుగ్రీవాదిసమస్తవానరయుతం సువ్యక్తతత్త్వప్రియం
సంరక్తారుణలోచనం పవనజం పీతామ్బరాలఙ్కృతమ్ ॥ ౧॥
ఉద్యన్మార్తణ్డకోటిప్రకటరుచియుతం చారువీరాసనస్థం
మౌఞ్జీయజ్ఞోపవీతారుణరుచిరశిఖాశోభితం కుణ్డలాఙ్గమ్ ।
భక్తానామిష్టదం తం ప్రణతమునిజనం వేదనాదప్రమోదం
ధ్యాయేద్దేవం విధేయం ప్లవగకులపతిం గోష్పదీభూతవార్ధిమ్ ॥ ౨॥
వజ్రాఙ్గం పిఙ్గకేశాఢ్యం స్వర్ణకుణ్డలమణ్డితమ్ ।
నియుద్ధకర్మకుశలం పారావారపరాక్రమమ్ ॥ ౩॥
వామహస్తే మహావృక్షం దశాస్యకరఖణ్డనమ్ ।
ఉద్యద్దక్షిణదోర్దణ్డం హనుమన్తం విచిన్తయేత్ ॥ ౪॥
స్ఫటికాభం స్వర్ణకాన్తి ద్విభుజం చ కృతాఞ్జలిమ్ ।
కుణ్డలద్వయసంశోభిముఖామ్భోజం హరిం భజేత్ ॥ ౫॥
ఉద్యదాదిత్యసఙ్కాశముదారభుజవిక్రమమ్ ।
కన్దర్పకోటిలావణ్యం సర్వవిద్యావిశారదమ్ ॥ ౬॥
శ్రీరామహృదయానన్దం భక్తకల్పమహీరూహమ్ ।
అభయం వరదం దోర్భ్యాం కలయే మారూతాత్మజమ్ ॥ ౭॥
అపరాజిత నమస్తేఽస్తు నమస్తే రామపూజిత ।
ప్రస్థానం చ కరిష్యామి సిద్ధిర్భవతు మే సదా ॥ ౮॥
యో వారాంనిధిమల్పపల్వలమివోల్లఙ్ఘ్య ప్రతాపాన్వితో
వైదేహీఘనశోకతాపహరణో వైకుణ్ఠతత్త్వప్రియః ।
అక్షాద్యర్చితరాక్షసేశ్వరమహాదర్పాపహారీ రణే ।
సోఽయం వానరపుఙ్గవోఽవతు సదా యుష్మాన్సమీరాత్మజః ॥ ౯॥
వజ్రాఙ్గం పిఙ్గకేశం కనకమయలసత్కుణ్డలాక్రాన్తగణ్డం
నానా విద్యాధినాథం కరతలవిధృతం పూర్ణకుమ్భం దృఢం చ
భక్తాభీష్టాధికారం విదధతి చ సదా సర్వదా సుప్రసన్నం
త్రైలోక్యత్రాణకారం సకలభువనగం రామదూతం నమామి ॥ ౧౦॥
ఉద్యల్లాఙ్గూలకేశప్రలయజలధరం భీమమూర్తిం కపీన్ద్రం
వన్దే రామాఙ్ఘ్రిపద్మభ్రమరపరివృతం తత్త్వసారం ప్రసన్నమ్ ।
వజ్రాఙ్గం వజ్రరూపం కనకమయలసత్కుణ్డలాక్రాన్తగణ్డం
దమ్భోలిస్తమ్భసారప్రహరణవికటం భూతరక్షోఽధినాథమ్ ॥ ౧౧॥
వామే కరే వైరిభయం వహన్తం శైలం చ దక్షే నిజకణ్ఠలగ్నమ్ ।
దధానమాసాద్య సువర్ణవర్ణం భజేజ్జ్వలత్కుణ్డలరామదూతమ్ ॥ ౧౨॥
పద్మరాగమణికుణ్డలత్విషా పాటలీకృతకపోలమణ్డలమ్ ।
దివ్యగేహకదలీవనాన్తరే భావయామి పవమాననన్దనమ్ ॥ ౧౩॥
ఈశ్వర ఉవాచ
ఇతి వదతి విశేషాద్రాఘవో రాక్షసేన్ద్రమ్
ప్రముదితవరచిత్తో రావణస్యానుజో హ్
రఘువరవరదూతం పూజయామాస భూయః
స్తుతిభిరకృతార్థః స్వం పరం మన్యమానః ॥ ౧౪॥
వన్దే విద్యుద్వలయసుభగస్వర్ణయజ్ఞోపవీతం
కర్ణద్వన్ద్వే కనకరుచిరే కుణ్డలే ధారయన్తమ్ ।
ఉచ్చైర్హృష్యద్ద్యుమణికిరణశ్రేణిసమ్భావితాఙ్గం
సత్కౌపీనం కపివరవృతం కామరూపం కపీన్ద్రమ్ ॥ ౧౫॥
మనోజవం మారుతతుల్యవేగం జితేన్ద్రియం బుద్ధిమతాం వరిష్ఠమ్ ।
వాతాత్మజం వానరయూథముఖ్యం శ్రీరామదూతం సతతం స్మరామి ॥ ౧౬॥
ఓం నమో భగవతే హృదయాయ నమః ।
ఓం ఆఞ్జనేయాయ శిరసే స్వాహా ।
ఓం రుద్రమూర్తయే శిఖాయై వషట్ ।
ఓం రామదూతాయ కవచాయ హుమ్ ।
ఓం హనుమతే నేత్రత్రయాయ వౌషట్ ।
ఓం అగ్నిగర్భాయ అస్త్రాయ ఫట్ ।
ఓం నమో భగవతే అఙ్గుష్ఠాభ్యాం నమః ।
ఓం ఆఞ్జనేయాయ తర్జనీభ్యాం నమః ।
ఓం రుద్రమూర్తయే మధ్యమాభ్యాం నమః ।
ఓం వాయుసూనవే అనామికాభ్యాం నమః ।
ఓం హనుమతే కనిష్ఠికాభ్యాం నమః ।
ఓం అగ్నిగర్భాయ కరతలకరపృష్ఠాభ్యాం నమః ।
అథ మన్త్ర ఉచ్యతే
ఓం ఐం హ్రీం శ్రీం హ్రాం హ్రీం హ్రూం హ్రైం హ్రౌం హ్రః ।
ఓం హ్రీం హ్రౌం ఓం నమో భగవతే మహాబలపరాక్రమాయ భూతప్రేతపిశాచ
శాకినీ డాకినీ యక్షిణీ పూతనామారీ మహామారీ
భైరవ-యక్ష-వేతాల-రాక్షస-గ్రహరాక్షసాదికం
క్షణేన హన హన భఞ్జయ భఞ్జయ
మారయ మారయ శిక్షయ శిక్షయ మహామాహేశ్వర రుద్రావతార హుం ఫట్ స్వాహా ।
ఓం నమో భగవతే హనుమదాఖ్యాయ రుద్రాయ సర్వదుష్టజనముఖస్తమ్భనం
కురు కురు హ్రాం హ్రీం హ్రూం ఠంఠంఠం ఫట్ స్వాహా ।
ఓం నమో భగవతే అఞ్జనీగర్భసమ్భూతాయ రామలక్ష్మణానన్దకరాయ
కపిసైన్యప్రకాశనాయ పర్వతోత్పాటనాయ సుగ్రీవసాధకాయ
రణోచ్చాటనాయ కుమారబ్రహ్మచారిణే గమ్భీరశబ్దోదయాయ
ఓం హ్రాం హ్రీం హ్రూం సర్వదుష్టనివారణాయ స్వాహా ।
ఓం నమో హనుమతే సర్వగ్రహానుభూతభవిష్యద్వర్తమానాన్ దూరస్థాన్
సమీపస్థాన్ సర్వకాలదుష్టదుర్బుద్ధీనుచ్చాటయోచ్చాటయ పరబలాని
క్షోభయ క్షోభయ
మమ సర్వకార్యం సాధయ సాధయ హనుమతే
ఓం హ్రాం హ్రీం హ్రూం ఫట్ దేహి ।
ఓం శివం సిద్ధం హ్రాం హ్రీం హ్రూం హ్రౌం స్వాహా ।
ఓం నమో హనుమతే పరకృతాన్ తన్త్రమన్త్ర-పరాహఙ్కారభూతప్రేతపిశాచ
పరదృష్టిసర్వవిఘ్నదుర్జనచేటకవిధాన్ సర్వగ్రహాన్ నివారయ నివారయ
వధ వధ పచ పచ దల దల కిల కిల
సర్వకుయన్త్రాణి దుష్టవాచం ఫట్ స్వాహా ।
ఓం నమో హనుమతే పాహి పాహి ఏహి ఏహి ఏహి
సర్వగ్రహభూతానాం శాకినీడాకినీనాం విషం దుష్టానాం సర్వవిషయాన్
ఆకర్షయ ఆకర్షయ మర్దయ మర్దయ భేదయ భేదయ
మృత్యుముత్పాటయోత్పాటయ శోషయ శోషయ జ్వల జ్వల ప్రజ్జ్వల ప్రజ్జ్వల
భూతమణ్డలం ప్రేతమణ్డలం పిశాచమణ్డలం నిరాసయ నిరాసయ
భూతజ్వర ప్రేతజ్వర చాతుర్థికజ్వర విషమజ్వర మాహేశ్వరజ్వరాన్
ఛిన్ధి ఛిన్ధి భిన్ధి భిన్ధి
అక్షిశూల-వక్షఃశూల-శరోభ్యన్తరశూల-గుల్మశూల-పిత్తశూల-
బ్రహ్మరాక్షసకుల-పరకుల-నాగకుల-విషం నాశయ నాశయ
నిర్విషం కురు కురు ఫట్ స్వాహా ।
ఓం హ్రీం సర్వదుష్టగ్రహాన్ నివారయ ఫట్ స్వాహా ॥
ఓం నమో హనుమతే పవనపుత్రాయ వైశ్వానరముఖాయ
హన హన పాపదృష్టిం షణ్ఢదృష్టిం హన హన
హనుమదాజ్ఞయా స్ఫుర స్ఫుర ఫట్ స్వాహా ॥
శ్రీరామ ఉవాచ
హనుమాన్ పూర్వతః పాతు దక్షిణే పవనాత్మజః ।
ప్రతీచ్యాం పాతు రక్షోఘ్న ఉత్తరస్యామబ్ధిపారగః ॥ ౧॥
ఉదీచ్యామూర్ధ్వగః పాతు కేసరీప్రియనన్దనః ।
అధశ్చ విష్ణుభక్తస్తు పాతు మధ్యే చ పావనిః ॥ ౨॥
అవాన్తరదిశః పాతు సీతాశోకవినాశనః ।
లఙ్కావిదాహకః పాతు సర్వాపద్భ్యో నిరన్తరమ్ ॥ ౩॥
సుగ్రీవసచివః పాతు మస్తకం వాయునన్దనః ।
భాలం పాతు మహావీరో భ్రువోర్మధ్యే నిరన్తరమ్ ॥ ౪॥
నేత్రే ఛాయాఽపహారీ చ పాతు నః ప్లవగేశ్వరః ।
కపోలకర్ణమూలే తు పాతు శ్రీరామకిఙ్కరః ॥ ౫॥
నాసాగ్రే అఞ్జనీసూనుర్వక్త్రం పాతు హరీశ్వరః ।
వాచం రుద్రప్రియః పాతు జిహ్వాం పిఙ్గలలోచనః ॥ ౬॥
పాతు దన్తాన్ ఫాల్గునేష్టశ్చిబుకం దైత్యప్రాణహృత్ ।
var ఓష్ఠం రామప్రియః పాతు చిబుకం దైత్యకోటిహృత్
పాతు కణ్ఠం చ దైత్యారిః స్కన్ధౌ పాతు సురార్చితః ॥ ౭॥
భుజౌ పాతు మహాతేజాః కరౌ తు చరణాయుధః ।
నఖాన్నఖాయుధః పాతు కుక్షిం పాతు కపీశ్వరః ॥ ౮॥
వక్షో ముద్రాపహారీ చ పాతు పార్శ్వే భుజాయుధః ।
లఙ్కావిభఞ్జనః పాతు పృష్ఠదేశే నిరన్తరమ్ ॥ ౯॥
నాభిఞ్చ రామదూతస్తు కటిం పాత్వనిలాత్మజః ।
గుహ్మం పాతు మహాప్రాజ్ఞః సృక్కిణీ చ శివప్రియః ॥ ౧౦॥
ఊరూ చ జానునీ పాతు లఙ్కాప్రాసాదభఞ్జనః ।
జఙ్ఘే పాతు మహాబాహుర్గుల్ఫౌ పాతు మహాబలః ॥ ౧౧॥
అచలోద్ధారకః పాతు పాదౌ భాస్కరసన్నిభః ।
పాదాన్తే సర్వసత్వాఢ్యః పాతు పాదాఙ్గులీస్తథా ॥ ౧౨॥
సర్వాఙ్గాని మహావీరః పాతు రోమాణి చాత్మవాన్ ।
హనుమత్కవచం యస్తు పఠేద్విద్వాన్ విచాక్షణః ॥ ౧౩॥
స ఏవ పురూషశ్రేష్ఠో భక్తిం ముక్తిం చ విన్దతి ।
త్రికాలమేకకాలం వా పఠేన్మాసత్రయం సదా ॥ ౧౪॥
సర్వాన్ రిపూన్ క్షణే జిత్వా స పుమాన్ శ్రియమాప్నుయాత్ ।
మధ్యరాత్రే జలే స్థిత్వా సప్తవారం పఠేద్యది ॥ ౧౫॥
క్షయాఽపస్మారకుష్ఠాదితాపత్రయనివారణమ్ ।
ఆర్కివారేఽశ్వత్థమూలే స్థిత్వా పఠతిః యః పుమాన్ ॥ ౧౬॥
అచలాం శ్రియమాప్నోతి సఙ్గ్రామే విజయీ భవేత్ ॥ ౧౭॥
యః కరే ధారయేన్నిత్యం స పుమాన్ శ్రియమాప్నుయాత్ ।
వివాహే దివ్యకాలే చ ద్యూతే రాజకులే రణే ॥ ౧౮॥
భూతప్రేతమహాదుర్గే రణే సాగరసమ్ప్లవే ।
దశవారం పఠేద్రాత్రౌ మితాహారీ జితేన్ద్రియః ॥ ౧౯॥
విజయం లభతే లోకే మానవేషు నరాధిపః ।
సింహవ్యాఘ్రభయే చాగ్నౌ శరశస్త్రాస్త్రయాతనే ॥ ౨౦॥
శృఙ్ఖలాబన్ధనే చైవ కారాగ్రహనియన్త్రణే ।
కాయస్తమ్భే వహ్నిదాహే గాత్రరోగే చ దారూణే ॥ ౨౧॥
శోకే మహారణే చైవ బ్రహ్మగ్రహవినాశనే ।
సర్వదా తు పఠేన్నిత్యం జయమాప్నోత్యసంశయమ్ ॥ ౨౨॥
భూర్జే వా వసనే రక్తే క్షౌమే వా తాలపత్రకే ।
త్రిగన్ధేనాథవా మస్యా లిఖిత్వా ధారయేన్నరః ॥ ౨౩॥
పఞ్చసప్తత్రిలౌహైర్వా గోపితం కవచం శుభమ్ ।
గలే కట్యాం బాహుమూలే వా కణ్ఠే శిరసి ధారితమ్ ॥ ౨౪॥
సర్వాన్ కామానవాప్నోతి సత్యం శ్రీరామభాషితమ్ ॥ ౨౫॥
ఉల్లఙ్ఘ్య సిన్ధోః సలిలం సలీలం యః శోకవహ్నిం జనకాత్మజాయాః ।
ఆదాయ తేనైవ దదాహ లఙ్కాం నమామి తం ప్రాఞ్జలిరాఞ్జనేయమ్ ॥ ౨౬॥
ఓం హనుమానఞ్జనీసూనుర్వాయుపుత్రో మహాబలః ।
శ్రీరామేష్టః ఫాల్గునసఖః పిఙ్గాక్షోఽమితవిక్రమః ॥ ౨౭॥
ఉదధిక్రమణశ్చైవ సీతాశోకవినాశనః ।
లక్ష్మణప్రాణదాతా చ దశగ్రీవస్య దర్పహా ॥ ౨౮॥
ద్వాదశైతాని నామాని కపీన్ద్రస్య మహాత్మనః ।
స్వాపకాలే ప్రబోధే చ యాత్రాకాలే చ యః పఠేత్ ॥ ౨౯॥
తస్య సర్వభయం నాస్తి రణే చ విజయీ భవేత్ ।
ధనధాన్యం భవేత్తస్య దుఃఖం నైవ కదాచన ॥ ౩౦॥
ఇతి బ్రహ్మణ్డ పురాణ అంతర్గత ఏకముఖీ హనుమాన్ కవచం సంపూర్ణం
No comments:
Post a Comment