శ్రీస్కందలక్ష్మీదుర్గా సుప్రభాతస్తుతిః Shri Skanda Lakshmi Durga Suprabhata Stuti

  శ్రీస్కందలక్ష్మీదుర్గా సుప్రభాతస్తుతిః 

శ్రీమత్స్కందనగావాస శ్రీవిధాయక షణ్ముఖ 

ఉత్తిష్ఠ కరుణామూర్తే శాంతానందవిధాయక 1

శ్రీమత్స్కందనగావాసే సర్వసత్త్వమయీశ్వరి 

ఉత్తిష్ఠాష్టాదశభుజే లక్ష్మీదుర్గే నమోఽస్తు తే 2

జ్యోతిషా మహతా సర్వలోకాజ్ఞానవినాశక 

ఉత్తిష్ఠ స్కంద లోకేశ ప్రణవార్థోపదేశక 3

సర్వలోకైకమాతస్త్వం శుంభాసురనిబర్హిణి 

ఉత్తిష్ఠ లోకక్షేమాయ లక్ష్మీదుర్గే మహాద్యుతే 4

తారం ధ్వజాగ్రలసితో వరతామ్రచూడః

     ఊర్ధ్వం విధాయ నిజమస్తకమాత్తమోదః 

త్వన్నామ కీర్తనమయం కురుతే పవిత్రం

     స్కందాచలేశ గిరిజాసుత సుప్రభాతం 5

కల్యాణకారిణి కరాంబుజశోభి పాశే

     కారుణ్యపూర్ణహృదయే కమనీయకాంతే 

కామాది వైరిహరణే కుశలేఽస్తు లక్ష్మీ-

     దుర్గేఽతిదీనజనపాలిని సుప్రభాతం 6

శ్రీకన్నిమారభిధ సుందర పూతకుల్యా-

     తీరస్థ శాఖినిలయా వివిధా విహంగాః 

కూజంతి కర్ణమధురం వివిధైః స్వరైస్తత్

     స్కందాచలేశ గిరిజాసుత సుప్రభాతం 7

వామాగ్రభాగవిలసన్మహిషోత్తమాంగే

     దేవ్యగ్రభాగపరిశోభిత ధర్మసింహే 

కారుణ్యవర్షికమనీయముఖేఽద్య లక్ష్మీ-

     దుర్గే నమోఽస్తు నతపాలిని సుప్రభాతం 8

ఏతే త్రిశుద్ధిక్ష్ సహితా మహితా ద్విజేంద్రాః

     వేదాగమాదిక్ష్ నిపుణా విదితాఖిలార్థాః 

భక్త్యోచ్చరంతి మధురం నిగమస్య మంత్రం

     శ్రీదండశోభికర సుందర సుప్రభాతం 9

మాంసం సురామపి బలిం పరివర్జయేతి

     యా వ్యాహరత్ సకలజీవదయాపరీతా 

సా త్వం సమస్తజగతాం కురుషేఽతి భద్రం

     దుర్గేఽమ్బికేఽస్తు భువనేశ్వరి సుప్రభాతం 10

అగ్రే తవాద్య మధురస్వరకృష్టచిత్తాః

     తాలాభిరంజితకరా వరగాయకాశ్చ 

గాయంతి తే గుణగణానితరానవాప్యాన్

     మధ్యార్పితైకకర సుందర సుప్రభాతం 11

మాతస్త్వదీయ పదపంకజభక్తిభాజాం

     కుర్వంతి వజ్రధరవాయుముఖాస్సుసేవాం 

వక్తుం ప్రభావమఖిలం తవ కోను శక్తః

     దుర్గే నమోఽస్తు తవ సంప్రతి సుప్రభాతం 12

తిష్ఠత్యసౌ చ జనతాశ్రుపరీతనేత్రాః

     ధృత్వా సుగంధయుతబంధురపుష్పమాలాః 

జ్యోతిర్నిరీక్షితుముదారపదారవింద

     స్కందాచలేశ కరుణాకర సుప్రభాతం 13

పుత్రం పురా కిల వియుక్తమతిప్రకోపాత్

     స్కందం నిరీక్షితుమతీవ సముత్సుకా త్వం 

స్కందాద్రిమాగతవతీ సహసైవ లక్ష్మీ-

     దుర్గే నమోఽస్తు నతపాలిని సుప్రభాతం 14

శ్రీస్కందాచలశోభినం సురనతాం రమ్యాననం సుందరీం

     భక్తానామభయప్రదం కలిమలధ్వంసైకబద్ధాదరాం 

కారుణ్యాంబునిధిం సుశక్తిసహితాం సర్వార్థదానక్షమం

     దుర్గాలక్ష్మ్యభిధాం నమేమ జననీం శ్రీదండపాణించ తం 15

ఆరక్తసుందరనఖేందురుచానులిప్తౌ

     మంజీరమంజులనినాదమనోభిరామౌ 

యోగీంద్రమూర్ధవినతౌ సకలేష్టదౌ తే

     స్కందాచలేశచరణౌ శరణం ప్రపద్యే 16

సూర్యస్త్వదాప్తవరదీధితిరంబ సర్వాన్

     లోకాన్ ప్రబోధయితుమేష ఉదేతి రమ్యః 

త్వంచాపి పశ్య కరుణాన్వితలోచనాభ్యాం

     దుర్గే తవాద్య చరణౌ శరణం ప్రపద్యే 17

యస్సంకటం గురుమవాప్య సకృద్గుహేతి

     భక్త్యా వదత్యనుపమం తవ నామ తం హి 

యౌ రక్షతస్సపదితావరవిందతుల్యౌ

     స్కందాచలేశచరణౌ శరణం ప్రపద్యే 18

శుంభం నిశుంభమపి లోకహితైషిణి త్వం

     హత్వా శుభం వ్యరచయః కరుణాంబురాశే 

మాతస్వదీయకరుణా వచసామతీతా

     స్కందాద్రిగేఽద్య చరణౌ శరణం ప్రపద్యే 19

సృష్టిస్థితిప్రలయకారక దీనబంధో

     క్రౌంచాద్రిభేదక విరించిముఖామరేడ్య 

భక్తేష్టదాయక దశద్విభుజాక్షిశోభిన్

     స్కందాచలేశ చరణౌ శరణం ప్రపద్యే 20

మోహం వ్యపోహయ మతిం కురు పావనాం మే

     సన్మార్గసంచరణలోలుపతాం ప్రయచ్ఛ 

చిత్తం కురుష్వ పదపంకజయుగ్మలగ్నం

     మాతస్త్వాద్యచరణౌ శరణం ప్రపద్యే 21

భక్తైకవశ్య పరిచింత్య బిభేమి నాహం

     భోగ్యా భవేద్యమపురేఽధికయాతనేతి 

భక్త్యా ముహుర్ముహురిమౌ భయహారిణౌ తే

     స్కందాచలేశ చరణౌ శరణం ప్రపద్యే 22

వాచాలమంబ కురుషే సదయేఽతిమూకం

     దీనం కరోషి సహసైవ ధనాధినాథం 

అజ్ఞానినం ప్రతిభయా సహితం కరోషి

     మాతుస్తవాద్య చరణౌ శరణం ప్రపద్యే 23

స్కందేతి కుక్కుటయుతేతి గుహేతి యస్త్వాం

     వాచాహ్వయత్యధికభక్తియుతా సకృద్వా 

తస్మై ప్రయచ్ఛసి సమీహితమర్థమాశు

     స్కందాచలేశ చరణౌ శరణం ప్రపద్యే 24

శాంతాంతరంగయతివందితపాదపద్మే

     త్వామర్చయంతి వనితా యది భక్తిపూర్ణాః 

సౌభాగ్యమాప్య సకలంచ ముదం లభంతే

     దుర్గేఽమ్బికేఽద్య చరణౌ శరణం ప్రపద్యే 25

సురసైన్యపతేఽసురసైన్యరిపో

     కరశోభితదండమహాండకర 

ఖరతారకమారక తారక మే

     మరణాది భయం హర వీరవర 26

జగతాం జననీం రజనీశముఖీం

     నమనీయపదాం కమనీయరుచిం 

మహిషాసురమర్దనలోలపదాం

     భజతాం భజతాం భవభీతిహరాం 27

అనఘం జగతాం జనకం ధనదం

     వరదం శరదిందుసమానముఖం 

వరనీరజలోచనమార్తిహరం

     కరదండధరం ప్రణమామి గుహం 28

అరుణాం కరుణాలసదక్షియుగాం

     గురునాథసుతాం తరుణార్కవిభాం 

సురరాజనుతాం దరహాసయుతాం

     నమతాం నమతాం సకలార్థకరీం 29

గిరివాసరతం గిరిజాత్మభవం

     హరిజారమణం హరిణాంకముఖం 

కరివక్త్రసహోదరమాదరతో

     దురితక్షతయే ధురి భాతు మహః 30

పురతః స్ఫురదాత్మజ రమ్యముఖా-

     మ్బుజలోచన లోలనిజాక్షియుగాం 

సులభాం సుఖదాం వరదాం కరదాం

     భజ లక్ష్మ్యభిధాం జననీం జగతాం 31

శరచ్చంద్రతుల్యం ముఖం శారదాంభో-

     రుహస్పర్ధిపాదద్వయంచాక్షియుగ్మం 

ద్షిత్కాలదండోజ్జవలం పాణిపద్మం

     సదా మానసే భాతు మే తారకారే 32

కృపాస్రావ్యపాంగాదృతానంతభక్తా

     దశాష్టాభిరాశోభితా బాహుభిర్యా 

వరస్కందగిర్యాశ్రయా సా మహాభా

     సదా భాతు దేవీ మదీయాంతరంగే 33

న రూపం మనో మోహకం నాపి వాణీ

     మనో హారిణీ స్కందశైలాధివాస 

న విద్వత్వమప్యస్తి గాంగేయ భక్తిం

     మదీయామవేక్ష్య ప్రసీద ప్రసీద 34

సదాచారలోలం మనస్సత్యవాచం

     సదాన్యోపకారే రతత్వం మహత్వం 

పునర్జన్మహీనత్వమాప్తుం ప్రమోదం

     మహాలక్ష్మ్యభీష్టప్రదాంఘ్రీ భజేఽహం 35

త్వయా తుల్య ఏకో న చాస్తే న చాస్తే

     క్షమౌదార్యశీలో మహేశస్య సూనో 

నరో మత్సమో నాస్తి పాపైకలోభీ

     క్షమస్వ క్షమస్వ ప్రభో మేఽపరాధాన్ 36

త్వమేవాంబ మాతా మదీయా భవాన్యాం

     పునర్మాతరం మా కురు స్కందమాతః 

క్షమస్వాపరాధాన్ మహేంద్రాదివంద్యే

     ప్రసీద ప్రసీదానుకంపా గుణాఢ్యే 37

శాంతానంద మహాయోగిన్ హృదయానందదాయక 

స్కందాచలశిరశ్శోభిన్ కురు సర్వస్య మంగళం 38

స్కందాద్రిశిఖరావాసా కామితార్థప్రదాయినీ 

లక్ష్మీదుర్గాస్వరూపా సా కరోతు మమ మంగళం 39

మయూరప్రియవాహాయ కుక్కుటధ్వజశోభినే

పాణినా ధృతదండాయ బాలస్కందాయ మంగళం 40

అష్టాదశభుజైర్యుక్తా శిష్టావనధురంధరా 

ఇష్టానిష్టవిహీనా సా కరోతు భువి మంగళం 41

అరుణాంబుజపాదాయ కరుణారసవార్ధయే 

తరుణాయ సదా తుభ్యం గురునాథాయ మంగళం 42

వంద్యమానజనాజ్ఞానధ్వంసకారిపదాంబుజే 

లక్ష్మీదుర్గే కృపాపాంగైః కురు సర్వత్ర మంగళం 43

ఇతి శ్రీస్కందలక్ష్మీదుర్గా సుప్రభాతస్తుతిః

       శ్రీస్కందగురు భుజంగస్తోత్రం సంపూర్ణం .