శ్రీశాంతాదుర్గా స్తోత్రం
శాంతాదుర్గే మహాదేవీ మంగేశప్రాణవల్లభే
సరస్వతీస్వరూపాసి విద్యాభిక్షాం ప్రదేహి మే 1
ఆదిమాయే మహామాయే శాంతాదుర్గే నమోఽస్తు తే
మహాలక్ష్మీస్త్వమేవాసీ సంపద్భిక్షాం ప్రదేహి మే 2
జననీ సర్వలోకానాం శాంతాదుర్గే నమోఽస్తు తే
మంగలే సుతవాత్సల్యే పుత్రభిక్షాం ప్రదేహి మే 3
మహాకాలీస్వరూపాసీ శాంతాదుర్గే నమోఽస్తు తే
సర్వశత్రువినాశేన యశోభిక్షాం ప్రదేహి మే 4
విఘ్నరాజస్వరూపా త్వం శాంతాదుర్గే నమోఽస్తు తే
కార్యసిద్ధిస్త్వదాయత్తా సిద్ధిభిక్షాం ప్రదేహి మే 5
సౌభాగ్యదాయినీ దేవీ శాంతాదుర్గే నమోఽస్తు తే
అష్టసిద్ధిస్వరూపాసి భాగ్యభిక్షాం ప్రదేహి మే 6
ఆదిశక్తిస్త్వమేవాసీ శాంతాదుర్గే నమోఽస్తు తే
త్వత్పాదభక్తిపూజార్థం ఆయుర్భిక్షాం ప్రదేహి మే 7
పాశాంకుశధరాదేవీ శాంతాదుర్గే నమోఽస్తు తే
త్వయా హరీహరౌ శాంతౌ శాంతిభిక్షాం ప్రదేహి మే 8
కైవల్యవాసినీ దేవీ శాంతాదుర్గే నమోఽస్తు తే
కేవలానందరూపాసీ మోక్షభిక్షాం ప్రదేహి మే 9
జగదంబ మేదాలంబే శాంతాదుర్గే నమోఽస్తు తే
సుతో గజాననస్తేషాం దయాభిక్షాం ప్రదేహి మే 10
ఇతి శ్రీగజాననశాస్త్రీ గాయతోండే విరచితం
శ్రీశాంతాదుర్గాస్తోత్రం సంపూర్ణం .
No comments:
Post a Comment