సరస్వతీ కవచం (బ్రహ్మ వైవర్త పురాణం) saraswathi kavacham brahma vaivarta puranam

సరస్వతీ కవచం (బ్రహ్మ వైవర్త పురాణం)

బ్రహ్మోవాచ 

శృణు వత్స ప్రవక్ష్యామి కవచం సర్వకామదం 

శ్రుతిసారం శ్రుతిసుఖం శ్రుత్యుక్తం శ్రుతిపూజితం 1

ఉక్తం కృష్ణేన గోలోకే మహ్యం వృందావనే వనే 

రాసేశ్వరేణ విభునా రాసే వై రాసమండలే 2

అతీవ గోపనీయం చ కల్పవృక్షసమం పరం 

అశ్రుతాద్భుతమంత్రాణాం సమూహైశ్చ సమన్వితం 3

యద్ధృత్వా పఠనాద్బ్రహ్మన్బుద్ధిమాంశ్చ బృహస్పతిః 

యద్ధృత్వా భగవాంఛుక్రః సర్వదైత్యేషు పూజితః 4

పఠనాద్ధారణాద్వాగ్మీ కవీంద్రో వాల్మికో మునిః 

స్వాయంభువో మనుశ్చైవ యద్ధృత్వా సార్వపూజితః 5

కణాదో గౌతమః కణ్వః పాణినిః శాకటాయనః 

గ్రంథం చకార యద్ధృత్వా దక్షః కాత్యాయనః స్వయం 6

ధృత్వా వేదవిభాగం చ పురాణాన్యఖిలాని చ 

చకార లీలామాత్రేణ కృష్ణద్వైపాయనః స్వయం 7

శాతాతపశ్చ సంవర్తో వసిష్ఠశ్చ పరాశరః 

యద్ధృత్వా పఠనాద్గ్రంథం యాజ్ఞవల్క్యశ్చకార సః  8

ఋష్యశృంగో భరద్వాజశ్చాఽఽస్తీకో దేవలస్తథా 

జైగీషవ్యోఽథ జాబాలిర్యత్ద్ధృత్వా సర్వపూజితః 9

కవచస్యాస్య విప్రేంద్ర ఋషిరేష ప్రజాపతిః 

స్వయం బౄహస్పతిశ్ఛందో దేవో రాసేశ్వరః ప్రభుః  10

సర్వతత్త్వపరిజ్ఞానే సర్వార్థేఽపి చ సాధనే 

కవితాసు చ సర్వాసు వినియోగః ప్రకీర్తితః 11

ఓం హ్రీం సరస్వత్యై స్వాహా శిరో మే పాతు సర్వతః 

శ్రీం వాగ్దేవతాయై స్వాహా భాలం మే సర్వదాఽవతు 12

ఓం సరస్వత్యై స్వాహేతి శ్రోత్రం పాతు నిరంతరం 

ఓం శ్రీం హ్రీం భార్త్యై స్వాహా నేత్రయుగ్మం సదాఽవతు 13

ఓం హ్రీం వాగ్వాదిన్యై స్వాహా నాసాం మే సర్వతోఽవతు 

హ్రీం విద్యాధిష్ఠాతృదేవ్యై స్వాహా శ్రోత్రం సదాఽవతు 14

ఓం శ్రీం హ్రీం బ్రాహ్మ్యై స్వాహేతి దంతపంక్తీః సదాఽవతు 

ఐమిత్యేకాక్షరో మంత్రో మమ కంఠం సదాఽవతు  15

ఓం శ్రీం హ్రీం పాతు మే గ్రీవాం స్కంధం మే శ్రీం సదాఽవతు 

శ్రీం విద్యాధిష్ఠాతృదేవ్యై స్వాహా వక్షః సదాఽవతు 16

ఓం హ్రీం విద్యాస్వరూపాయై స్వాహా మే పాతు నాభికాం 

ఓం హ్రీం క్లీం వాణ్యై స్వాహేతి మమ ప్ర్ష్ఠం సదాఽవతు 17

ఓం సర్వవర్ణాత్మికాయై పాదయుగ్మం సదాఽవతు 

ఓం వాగధిష్ఠాతృదేవ్యై సర్వాంగం మే సదాఽవతు 18

ఓం సర్వకంఠవాసిన్యై స్వాహా ప్రచ్యాం సదాఽవతు 

ఓం హ్రీం జిహ్వాగ్రవాసిన్యై స్వాహాఽగ్నిదిశి రక్షతు 19

ఓం ఐం శ్రీం హ్రీం సరస్వత్యై బుధజనన్యై స్వాహా 

సతతం మంత్రరాజోఽయం దక్షిణే మాం సదాఽవతు 20

ఓం హ్రీం శ్రీం త్ర్యక్షరో మంత్రో నైరౄత్యాం మే సదాఽవతు 

కవిజిహ్వాగ్రవాసిన్యై స్వాహా మాం వారుణేఽవతు 21

ఓం సదంబకాయై స్వాహా వాయవ్యై మాం సదాఽవస్తు 

ఓం గద్యపద్యవాసిన్యై స్వాహా మాముత్తరేఽవతు 22

ఓం సర్వశాస్త్రవాసిన్యై స్వాహైశాన్యాం సదాఽవతు 

ఓం హ్రీం సర్వపూజితాయై స్వాహా చోర్ధ్వం సదాఽవతు 23

ఓం హ్రీం పుస్తకవాసిన్యై స్వాహాఽధో మాం సదాఽవతు 

ఓం గ్రంథబీజరూపాయై స్వాహా మాం సర్వతోఽవతు 24

ఇతి తే కథితం విప్ర సర్వమంత్రౌఘవిగ్రహం 

ఇదం విశ్వజయం నామ కవచం బ్రహ్మారూపకం 25

పురా శ్రుతం ధర్మవక్త్రాత్పర్వతే గంధ్మాదనే 

తవ స్నేహాన్మయాఽఽఖ్యాతం ప్రవక్తవ్యం న కస్యచిత్ 26

గురుమభ్యర్చ్య విధివద్వస్త్రాలంకారచందనైః 

ప్రణమ్య దండవద్భూమౌ కవచం ధారయేత్సుధీః  27

పంచలక్షజపేనైవ సిద్ధం తు కవచం భవేత్ 

యది స్యాత్సిద్ధకవచో బృహస్పతిసమో భవేత్ 28

మహావాగ్మీ కవీంద్రశ్చ త్రైలోక్యవిజయీ భవేత్ 

శక్నోతి సర్వ్ం జేతుం స కవచస్య ప్రభావతః 29

ఇదం తే కాణ్వశాఖోక్తం కథితం కవచం మునే 

స్తోత్రం పూజావిధానం చ ధ్యానం వై వందనం తథా 30

ఇతి శ్రీ బ్రహ్మవైవర్తే మహాపురాణే ప్రకృతిఖండే నారదనారాయణసంవాదే

సరస్వతీకవచం నామ చతుర్థోఽధ్యాయః